ما كنتش نتصور إني بش نعمل جو في عرس لهذي الدرجة. مستانسة نمشي بالسيف و نبدى نمرج بش انروح. أما العرس هذا (بدو) ما ندمتش اللي حضرتو طلعت نقرب لدار العروسة و أنا ما في باليش. الجو تعدى باهي برشا، الفرقة رايعة... هوما ثلاثة أخوة خليفة الدريدي و اخوتو من طينة جهة صفاقس.
حفلوها
في وسط دار عربي في المدينة في تونس، عم العروسة (اللي هي حليلتها برشا) حفلها بالشطيح و قصة أون لاين شبعنا تصاور و كاميرا
النساء الكل لابسي اللبسة الدويرية (م الدويرات، بلاد الوالد.... 30 كم على تطاوين)
و رصّاتلي أنا زاده لابسة كيف كيف، أما اللبسة اتدوخ و تعطي وهرة
انخلّي التصاور تعبّر خير منّي
نبداو باللبس قبل الحلي
التخليلة و إلا السفساري... من نوع البربوشي، على خاطر ثمة قبيلة عربية من شمال مالي و الفزّان الليبي اسمها البرابيش
ثمة أنواع: الجريدي، ركبي طير و جناح، الكموني و المجحود
السورية و إلا قمجة
السروال: و إلا ميزو
و ما ننساوش مريول الفضيلة
و اللي يزيّن ألتخليلة: الحلي
نحب نشكر عم العروسة على هذا الجو الباهي و إن شاء الله فارحين ديمه
5 ripostes trèès percutantes:
صور تونسية حتى النخاع
حويتة
كيف ما يقول سيدي علي
(:
الرداء الحرير يشبه ياسر رداء حب الرمّان متاع المهدية
:)
الحفل الذي حضرناه يشبه تقريبا ما اعتاد السكان من
الأصول الأمازغية اقامته في أعراسهم بمدينة تونس,
و يسمى "المحفل".
يقول الشاعر علي بن محمد الذيب في قصيدته
"قدّك طاغي" واصفا عروسة في "محفل":
....
يا الواهمة مسعودة
خيال مسقّم خطوتو مقدودة
رمان طاغي عوده
ورد منور كي فتح ع الأوّل
يا عين جدي غزال
قدّك طاغي من بعيد بيان
.....
منين خطبو اعمامك
طلبو ميتين فارس يلعبوا قدّامك
برقع ذهب لثامك
محفل علاجة من بلاد الروم يا كاملة الطول
يا عين جدي غزال
قدّك طاغي من بعيد بيان
....
ca marrive dassister a qq mariage en mahdia et je mets les habits traditionnels 7lowin barcha mai sa cause de lor cest pesant!!!
un jour si tu veux tu assiste avec moi a un mariage mahdwi en libsa 3arbi!!!!:)
ماحلاهم عوايد تونس
Enregistrer un commentaire